«Վաթան». Սիրիայում քրդերը ինքնավար կառավարություն են ստեղծելու

Տարածաշրջան10:37, 22 Հուլիս 2013

«Վաթան». Սիրիայում քրդերը ինքնավար կառավարություն են ստեղծելու

Քրդական «Ժողովրդական միություն» կուսակցությունը (ԺՄԿ- PYD), որը «Քուրդիստանի բանվորական» կուսակցության (ՔԲԿ-PKK) սիրիական թևն է համարվում, նախատեսում է Սիրիայում քրդական ինքնավար կառավարություն ստեղծել:

Թուրքական «Վաթան» թերթը, հղում անելով Ֆրանս պրես գործակալությանը (AFP), հայտնում է, որ Սիրիայում գործող քրդական կուսակցության առաջնորդ Սալիմ Մուլիսմի կարծիքով Սիրիայում պատերազմական վիճակը մոտ ժամանակներում չի ավարտվի: ««Արևմտյան Քուրդիստան» պետություն է պետք հիմնել, որը կկարողանա ղեկավարել քրդերին»,- հայտարարել է Մուսլիմը` նշելով որ «Արևմտյան Քուրդիստանի» կառավարության մեջ ընդգրկվելու են Սիրիայի հյուսիսային և քրդաբնակ շրջանները:

Մուլսիմը ընդգծել է, որ կառավարությունը միանշանակ ժամանակավոր է լինելու և Սիրիայի ապագայի հարցում վերջնական որոշման հասնելուն պես այն լուծարվելու է: «Արևմտյան Քուրդիստանի» գերագույն քրդական խորհրդի խոսնակ Շիրզադ Իզիդը ևս հաստատել է այս լուրերը: Իզիդը տեղեկացրել է նաև, որ քրդական խմբերը միակարծիք են ներքին սահմանադրություն մշակելու հարցում:

Ermenihaber.am