Էրդողանը սպառնում է դատի տալ անգլիական “The Times թերթին

Տարածաշրջան08:21, 27 Հուլիս 2013

Էրդողանը սպառնում է դատի տալ անգլիական “The Times թերթին

Թուրքիայի վարչապետ Ռեջեփ Թայիփ Էրդողանը, Շըրնաքում օդանավակայանի բացման ժամանակ ելույթ ունենալով, անդրադարձել է վերջերս անգլիական “The Times” պարբերականում հրապարկված նամակին և սպառանացել դատի տալ անգլիական թերթին:

Թուրքական «Անադոլու» գործակալության փոխանցմամբ` Էրդողանը ափսոսանք է հայտնել, որ հայտնի մարդիկ, ովքեր անգամ քարտեզի վրա Թուրքիայի տեղը չեն կարող գտնել, իրենց ստորագրությունն էին դրել մի նամակի տակ, որի բովանդակություն անգամ չէին կարդացել, և ընդհանրապես ծանոթ չեն Թուրքիայում տեղի ունեցած դեպքերին:
Թուրքիայի վարչապետը համոզմունք է հայտնել, որ այդպիսի զառանցանքներով, զրպարտություններով և մեղադրանքներով լի նամակը Թուրքիային անգամ չնչին վնաս չի հասցնի, սակայն կստվերի այն հրապարակող թերթի և ստորագրող անձանց հեղինակությունը:

«Թայմս, ինչքանո՞վ ես հրապարակել այդ նամակը: Հենց այդքան էլ արժես: Մենք էլ, իհարկե, իրավական հարթությունում անհրաժեշտ ամեն բան կանենք: Դրա հաշիվը այդպես կպահանջենք»,- եզրափակել է Էրդողանը:

Հիշեցնենք, որ շուրջ 30 հայտնի արվեստագետներ, այդ թվում նաև Սյուզան Սարանդոնը, Շոն Փենը նամակ էին հղել Էրդողանին, որով քննադատում էին վերջինիս, Ստամբուլի Գեզի զբոսայգու ցուցարարների նկատմամբ բռնի ուժ կիրառելու համար:

Ermenihaber.am