Քուրդ գործիչ. «Թուրքիան պետք է անցնի ապակենտրոնացված կառավարման մոդելի»

Քաղաքական12:29, 30 Հուլիս 2013

Քուրդ գործիչ. «Թուրքիան պետք է անցնի ապակենտրոնացված կառավարման մոդելի»

Թուրքիայի ընդդիմադիր քրդական «Խաղաղություն և ժողովրդավարություն» կուսակցության (ԽԺԿ-BDP) համանախագահ Սելահաթթին Դեմիրթաշը «CNNTurk»-ի հարցերին պատասխանելիս նշել է, որ Թուրքիան կարող է բաժանվել 20 կամ 25 շրջանների: Իսկ նման բաժանման հիմք, ըստ Դեմիթաշի, կարող է ծառայել այն հանգամանքը, որ Թուրքիայի տարածքում կան տնտեսական, մշակութային և ժողովրդագրական յուրահատկություններով տարբերվող երկու տասնյակ աշխարհագրական գոտիներ:

«Անհրաժեշտ է, որ Թուրքիան պինդ կենտրոնաձիգ կառավարման մոդելից անցնի կառավարման ապակենտրոնացված մոդելի: Դա ինքնավարություն չի, այլ կառավարման ապակենտրոնացված մոդել: Հարկավոր է, որ Թուրքիայի բոլոր շրջաններում կյանքի կոչվի այդ մոդելը»,- ընդգծել է քուրդ պատգամավորը:

Դեմիթաշը նաև նշել է, որ թեև այսօր Թուրքիայի քրդերն անկախ պետականություն ունենալու իրավունք չունեն, բայց նրանք ցանկանում են այդ իրավունքերից օգտվել գոնե համատեղ գոյակցության շրջանակներում:

Ermenihaber.am