Օջալանը ցանկանում է դուրս գալ խաղաղության գործընթացից

Տարածաշրջան13:46, 30 Հուլիս 2013

Օջալանը ցանկանում է դուրս գալ խաղաղության գործընթացից

Քրդերի առաջնորդ Աբդուլլահ Օջալանի քույրը` Ֆաթմա Օջալանը և քեռին` Սուլեյման Արսլանը, հանդիպելով լրատվամիջոցների հետ, տեղեկություններ են հաղորդել քուրդ առաջնորդի հետ ունեցած հանդիպումից:

Թուրքական «Հաբերա» լրատվական կայքը հայտնում է, որ Օջալանի մորեղբայրը դժգոհել է, որ 81 տարեկան հասակում 500 կմ ճանապարհ կտրել անցնելով` նրան ընդամենը կես ժամ է տրվել զարմիկի հետ տեսակցելու համար. «Մեր իրավունքները ոտնահարվում են»,- հայտարարել է Սուլեյման Արսլանը:

Խոսելով քրդական հարցի լուծման գործընթացի մասին` Արսլանը հայտնել է, որ Օջալանը նեղսրտած է: «Խաղաղության գործընթացը այսպես չի լինի: Եթե այսպես լինի, ես գործընթացից դուրս կգամ, կնստեմ ու կհետևեմ: Սրանից հետո խաղաղության գործընթացից դուրս կգամ»,- փոխանցում է Օջալանի խոսքերը:

Քույրը` Ֆաթման, դժգոհել է բանտային պայմաններից. «Փակ տեղում էլ չի դիմանում: Մենք կես ժամ չկարողացանք դիմանալ: թույլ տվեցին ընդամենը 30 րոպե տեսակցել, իսկ այդ տեսակցելու իրավունքը 1 ժամ է, այդպե՞ս չէ»:

Ermenihaber.am