Թուրքիայի ԱԳՆ-ն արձագանքել է սպանված հովվի միջադեպին

Քաղաքական06:49, 02 Օգոստոս 2013

Թուրքիայի ԱԳՆ-ն արձագանքել է սպանված հովվի միջադեպին

Թուրքիայի արտաքին գործերի նախարարությունը գրավոր հայտարարությամբ է հանդես եկել հայ-թուրքական սահմանը հատած և սահմանապահների բացած կրակի հետևանքով մահացած թուրք հովվի հետ կատարվածի առնչությամբ:

«Մենք խստագույնս դատապարտում ենք այն, որ մեր անմեղ քաղաքացուն հասարակ մի սահմանախախտության պատճառով կրակում են ու սպանում: Հայկական կողմը որևէ պարզաբանում չի տվել, թե ինչու է սահմանին տեղի ունեցած սովորական միջադեպի ժամանակ անհամաչափ ուժ կիրառվել»,- ասված է հայտարարության մեջ:

Նշվում է նաև, որ թուրք հովվի` Մուստաֆա Ուլքերի դին տեղափոխվել է Թուրքիա, և կատարվածի առնչությամբ թուրքական կողմը դիվանագիտական անհրաժեշտ գործողությունների է դիմել:

Թուրքայի արտաքին քաղաքական գերատեսչությունն շեշտել է, որ այդ և նման այլ դեպքերը հերթական անգամ ցույց տվեցին հարավկովկասյան տարածաշրջանում, կայունություն և համապարփակ կարգավորում հաստատելու, ինչպես նաև Հայաստանի` հարևանների հետ հարաբերություններում խոհեմություն հանդես բերելու կարիքը:

Հիշեցնենք, որ թուրքական աղբյուրների տեղեկացմամբ` հովիվը սահմանը հատել էր Կարսի նահանգի կողմից` փորձելով գտնել իր կորած գառանը:

Ermenihaber.am