Թուրքիան պատրաստվում է ներքին զորաշարժերի

Տարածաշրջան07:46, 05 Օգոստոս 2013

Թուրքիան պատրաստվում է ներքին զորաշարժերի

Թուրքիայի պաշտպանության նախարար Իսմեթ Յըլմազը հայտարարել է, որ զինվորական ստորաբաժանումները երկրի խոշոր քաղաքներից տեղափոխվելու են պակաս մարդաշատ բնակության վայրեր: Այս մասին տեղեկացնում է թուրքական «Ջումհուրիյեթ» օրաթերթը:

Նախարար Յըլմազը հանդիպում է ունեցել Կարսի նահանգապետ Էյուփ Թեփեի և քաղաքապետ Նևզաթ Բոզքուշի հետ, որի ժամանակ էլ խոսվել է վերոնշյալի մասին: Այնուհետև պատասխանելով լրագրողների հարցերին` Յըլմազն ընդգծել է, որ զորանոցների տեղափոխումը քաղաքի կենտորանական հատվածներից նպաստ կբերի և քաղաքային տնտեսությանը, և երթևեկությանը: Նա նաև նշել է, որ ԶՈւ Գլխավոր շտաբում արդեն նախապատրաստական գործողությունների անցնելու նախագիծն են կազմում: Մասնավորապես նախատեսվում է երկրի արևմտյան նահանգներում տեղակայված զորաջոկատների մի մասը տեղափոխել դեպի արևելյան նահանգներ:

Հիշեցնենք, որ 2013թ, մարտի դրությամբ Թուրքիայի ԶՈւ Գլխավոր շտաբի հրապարակած տվյալներով` թուրքական բանակն ունի 678.617 զինծառայող, այդ թվում` 347 գեներալ և ծովակալ:

Ermenihaber.am