2013-ի 2-րդ եռամսյակում Թուրքիան ունեցել է արտահանման անկում և ներմուծման աճ

Տնտեսական08:50, 14 Օգոստոս 2013

2013-ի 2-րդ եռամսյակում Թուրքիան ունեցել է արտահանման անկում և ներմուծման աճ

Թուրքիայի վիճակագրական ծառայության հրապարակած տվյալներից պարզվել է, որ երկրի արտահանման միավորի արժեքի ինդեքսը հունիս ամսին աճել է 2 տոկոսով, իսկ ներմուծման միավորի արժեքի ինդեքսը նվազել է 1.4 տոկոսով: Այդ ցուցանիշները նախորդ տարվա նույն ժամանակահատվածի հետ համեմատությամբ են արձանագրվել:

2013-ի երկրորդ եռամսյակում արտահանման ծավալների ինդեքսը նախորդ տարվա նույն ժամանակահատվածի համեմատ ունեցել է 2.5 տոկոսանոց անկում: Ներմուծման ծավալների ինդեքսը դարձյալ նույն համեմատության հիմքով արձանագրել է 11.9 տոկոսանոց աճ:

Նշենք, որ պետության արտաքին առևտրի գների կամ միավորի արժեքի ինդեքսը բնութագրում է արտաքին առևտրի ապրանքների գների փոփոխման հաշվին արտահանման և ներմուծման արժեքի փոփոխությունը անփոփոխ, հաստատուն ֆիզիկական ծավալի պայմաններում: Արտաքին առևտրի գների կամ միավորի արժեքի ինդեքսների հաշվարկի համար որպես տվյալների սկզբնական աղբյուր հիմք են հանդիսանում ներմուծման, արտահանման բեռնամաքսային հայտարարագրերը:

Ermenihaber.am