Թուրքիայում ռազմանավերի արտադրությունն առժամանակ կասեցվել է

Տարածաշրջան09:45, 14 Օգոստոս 2013

Թուրքիայում ռազմանավերի արտադրությունն առժամանակ կասեցվել է

Թուրքիայում MİLGEM ռազմանավի հանձնումը կասեցնող որոշման շուրջ կառավարության վերահսկիչ ծառայությունը ուսումնասիրություններ է իրականացրել: Նախագծի իրավունքները պատկանում էր «Քոչ Գրուպին»: Ըստ թուրքական «Զաման» օրաթերթի Ռազմածովային ուժերի հրամանատարությունը նամակով դիմել է Թուրքիայի պաշտպանության նախարարությանը և 6 ռազմանավերի պատրաստման պատվեր է կատարել: Պաշտպանության նախարարությանը մոտ կանգնած աղբյուրները հաղորդում են, որ ծրագիրը կշարունակվի մասնավոր հատվածի օժանդակությամբ:

Նույն աղբյուրում նշվում է, որ «Քոչ Գրուպի» «RMK Marine» ընկերությունից, որը 1 միլիարդ 150 միլիո եվրո արժողությամբ MİLGEM ռազմանավի պատրաստման իրավունքն էր ձեռք բերել, մեկ այլ ընկերության բողոքի հիման վրա պահանջվել է կասեցնել ռազմանավի պատրաստման աշխատանքները: Կառավարության վերահսկողական ծառայության կողմից վերոնշյալ գործը քննության է առնվել: Վերահսկիչ ծառայության աշխատակիցների կողմից կազմված զեկույցի համաձայն, ռազմանավի պատրաստման աշխատանքների ընթացքում չեն հրավիրվել համապատասխան քանակությամբ ընկերություններ՝ այդ կերպ վնասելով մրցակցությանը և նավի պատրաստման ավելի մատչելի կառուցման հնարավորությունները ուղղակի չեն օգտագործվել: Վերահսկիչ ծառայության աշխատակիցները պահանջել են դադարեցնել նավի պատրաստման աշխատանքները:

Նշվում է, որ MİLGEM ռազմանավի պատրաստման նախագիծը մեծ կարևորություն ունի Թուրքիայի համար: Նախագիծը կյանքի է կոչվում թուրք ինժեներների կողմից, նախագծով առաջին «Heybeliada» նավը շահագործման է հանձնվել 2008 թ. սեպտեմբերի 27-ին: Իսկ երկրորդ «Büyükada» նավը դեռ պատրաստ չէ: Նախագիծ հետագա ճակատագրի վերաբերյալ վերջնական որոշում ընդունելու է Թուրքիայի կառավարությունը:

Ermenihaber.am