Գյուլի և Դավութօղլուի հանդիպումներն Ադրբեջանում

Քաղաքական08:10, 16 Օգոստոս 2013

Գյուլի և Դավութօղլուի հանդիպումներն Ադրբեջանում

Թուրքիայի նախագահ Աբդուլահ Գյուլն Ադրբեջանի Գաբալա քաղաքում կազմակերպված թյուրքալեզուերկրների գործարար համագործակցության խորհրդի 3-րդ գագաթնաժողովի ընթաքցքում հանդիպեց Ադրբեջանի նախագահ Իլհամ Ալիևի հետ: Հանդիպմանը մասնակցել են նաև երկու երկրների արտգործնախարարներ Ահմեթ Դավութօղլուն և Էլմար Մահմեդյարովը: Հանդիպումն անցկացվել է առանց լրագրողների, դռնփակ պայմաններում: Ահմեթ Դավութօղլուն և Աբդյուլլահ Գյուլն Ալևին են փոխանցել վարչապետ Ռեջեփ Էրդողանի ջերմ ողջույնները:

Թուրքական «Թայմթուրք» լրատվական կայքը տեղեկացնում է, որ Ամհեթ Դավութօղլուի այցը Ադրբեջան անցել է բավական հագեցած աշխատանքային գրաֆիկով:Նախագահների հանդիպումից հետո կայացել է երկու երկրների արտգործնախարարների առանձին հանդիպումը, որի ավարտից հետո նրանք մասնակցել են կազմակերպված մամուլի ասուլիսին: Դավութօղլուի հաջորդ հանդիպումն եղել է Ադրբեջանի կառավարությունում, որտեղ թուրք նախարարին ընդունել է Ադրբեջանի վարչապետ Արթուր Ռասիզադեն: Դավութօղլուին ընդունել է նաև Ադրբեջանի խորհրդարանի նախագահ Օքթայ Էսեդովը: Հանդիպումների ընթացքում քննարկվել են երկու երկրների հարաբերություններում հետաքրքրություն առաջացնող մի շարք ոլորտներում առկա խնդիրներ:

Աշխատանքային օրվա ավարտին Դավութօղլուի վերջին կանգառը հանդիսացել է Ադրբեջանում Թուրքիայի դեսպանատունը, որտեղ նա հանդիպել է Թուրքիայի քաղաքացիներին:

Ermenihaber.am