Սիրիայի` Թուրքիային հարակից Ռուսելայնի շրջանում կրկին բախումներ են տեղի ունենում

Տարածաշրջան09:15, 16 Օգոստոս 2013

Սիրիայի` Թուրքիային հարակից Ռուսելայնի շրջանում կրկին բախումներ են տեղի ունենում

Թուրքական «Դողան» լրատվական գործակալության հաղորդմամբ` թուրք-սիրիկան սահմանին կից թուրքական Ջեյլանփընար շրջանի դիմաց գտնվող Սիրիայի Ռուսելայն շրջանում սուննի իսլամիստական ծայրահեղական «Էլ Նուրսա ճակատ» ռազմականացված խմբավորման և Սիրիայում Քրդստանի բանվորական կուսակցության (ՔԲԿ-PKK) թևը հանդիսացող Դեմոկրատական միասնական կուսակցության (PYD) ուժերի միջև զինված բախումներ են վերսկսվել:

Լրատվական գործակալությունը, նշելով, որ բավական ժամանակ է,որ սահմանակից Ռուսելայնում կրակոցների և պայթյունների ձայներ չէր լսվել, հաղորդում է, որ նոր սկսված բախումները անհանգստության են առաջացրել սահմանակից թուրքական Ջեյլանփընարում:

Հաղորդվում է նաև, որ բախոմների ժամանակ Թուրքիայի տարածք թափանցած գնդակներից մեկի հետևանքով կրծքավանդակի շրջանում վիրավորվել է Թուրքիայի մեկ քաղաքացի, ում տեղափոխել են Ջեյլանփընարի պետական հիվանդանոց: Հաղորդման համաձայն այժմ թուրքական անվտանգության ուժերը սահմանի մոտ արակարգ միջոսառումներ են ձեռնարկում:

Լրատվականը հիշեցնում է նաև, որ անցյալ տարի հուլիսին նույնպես սահմանակից Ռուսելայնում բախումներ են տեղի ունեցել, որոնց արդյունքում թուրքիայի սահմանը հատած գնդակներից զոհվել են թուրքիայի 4 քաղաքացիներ:

Ermenihaber.am