Թուրքիան վիզային ռեժիմի արտոնություններ է սահմանել Սլովակիայի համար

Քաղաքական13:08, 20 Օգոստոս 2013

Թուրքիան վիզային ռեժիմի արտոնություններ է սահմանել Սլովակիայի համար

Թուրքիայի նախագահ Աբդուլլահ Գյուլը Ստամբուլի Չանքայա պալատում ընդունել է Սլովակիայի նախագահ Իվան Գասպարովիչին: Նախագահների մասնակցությամբ տեղի է ունեցել մամուլի ասուլիս, որի ժամանակ Գյուլը տեղեկացրել է երկու երկրների միջև վիզային արտոնությունների վերաբերյալ ընդունված նոր որոշման մասին:

Աբդուլլահ Գյուլը մասնավորապես ասել է. «Երեկ Թուրքիայի կառավարությունը Սլովակիայի ժողովրդի համար վիզային ռեժիմի հարցում արտոնություններ սահմանելու մասին որոշում է ընդունել: Սլովակիայի նախագահի ներկայությամբ հանձնարարել եմ այդ որոշման մասին պաշտոնական տեղեկություն տարածել: Հուսանք, որ Սլովակիայում էլ գործարարների, արվեստագետների, մարզիկների և այլ թուրք քաղաքացիների համար նմանատիպ քայլեր կձեռնարկվեն»:

Սլովակիայի նախագահ Գասպարովիչն իր գոհունակությունն է հայտնել և նշել, որ նախագահ Գյուլն իր ներկայությամբ վավերացրել է վիզային արտոնությունների մասին կառավարության ընդունած որոշումը: Ապա հավաստիացրել է, որ Սլովակիայի համապատասխան գերատեսչությունները կգործեն փոխադարձության սկզբունքով:

Ermenihaber.am