Թուրք պատգամավորը ձախողված է անվանում Անկարայի արտաքին քաղաքականությունը

Քաղաքական08:13, 24 Օգոստոս 2013

Թուրք պատգամավորը ձախողված է անվանում Անկարայի արտաքին քաղաքականությունը

Ժողովրդահանրապետականներից հետո իր ազդեցությամբ երկրորդ ընդդիմադիր ուժ հանդիսացող Թուրքիայի «Ազգայնական շարժում կուսակցության» (ԱԶԿ-AKP) պատգամավոր Օքթայ Վուրալը քննադատել է Թուրքիայի արտաքին քաղաքականությունը:

Ինչպես տեղեկացնում է «Հաբերվաքթիմ» լրատվականը, Վուրալը Անկարային դատապարտել է սիրիական բախումների մեջ ներքաշված լինելու և մաս կազմելու մեջ: Բացի դրանից, ըստ նրա, վատացել է հարաբերությունները նաև մյուս հարևան` Իրաքի հետ:

«Այսօր անվստահություն է ձևավորվել Իրանի ու Թուրքիայի միջև: Իրանը գնաց, Իրաքը գնաց, Սիրիան «եղբայր Ասադից» վերածվեց «թշնամի Ասադի»: Սիրիայի ու Իսրայելի միջև ընթացող բանակցություններին միջնորդական նախաձեռնությամբ հանդես եկած Թուրքիան տանուլ տվեց: Իրանի հետ միջուկային ծրագրի մասով միջնորդական նախաձեռնությունը ևս Անկարան ձախողեց: Որտե°ղ են այդ նախաձեռնությունների արդյունքները, Կիպրոսի հարցում ձախողվեցիք, Հայոց ցեղասպանության հարցում ձախողվեցիք: Մի խոսքով իսկական ֆիասկո»,- ասել է Վուրալը:

Ermenihaber.am