Թուրք-սիրիական սահմանին կրկին բախումներ են տեղի ունենում

Տարածաշրջան16:46, 26 Օգոստոս 2013

Թուրք-սիրիական սահմանին կրկին բախումներ են տեղի ունենում

Թուրքական «Սաբահ» էլեկրոնային պարբերականի հաղորդմամբ` այսօր Թուրքիայի ԶՈւ գլխավոր շտաբը թուրք-սիրիական սահմանին տեղի ունեցած հերթական բախման մասին հայտարարությում է տարածել: Ըստ հայտարարության` թուրք-սիրիական սահմանի Հաթայի հատվածում թուրք սահմանապահների կողմից նկատվել են սահմանին մոտեցող 200-250 մեքենա, մոտ 3000 հետիոտն և 300-350 հեծյալ:

Երեկոյան ժամը 20.45-ից սկսած վերոնշյալ անձիք խմբերով սահմանը հատելու փորձեր են արել: Ինչպես նշվում է հայտարարության մեջ, Սիրիայի կողմից ահմանը հատել փորձող խմբերը, չենթարկվելով զգուշացումներին, 11 տարբեր կետերից սահմանը հատելու փորձեր են կատարել, միաժամանակ նաև քարեր են նետել թուրք զինծառայողների ուղղությամբ:

Թուրք սահմանային ծառայողները նախ օդ են կրակել, ապա նաև խմբերի մոտակա վայրերին: Նրանք նաև արցունքաբեր ազդեցություն ունեցող ռումբեր են նետել նշյալ խմբերի ուղղությամբ: Նշվում է, որ բախումն ավարտվել է միայն առավոտյան 6.20 րոպեի մոտակայքում: Հաղորդագրությունում ասվում է նաև, որ խմբերի նահանջից հետո թուրք սահմանապահները դեպքի վայրից հայտնաբերել են մազութի 63 տակառ:

Ermenihaber.am