Էրդողան. «Սիրիայի հարցին կամ ձեռքով կմիջամտենք, կամ լեզվով»

Տարածաշրջան08:41, 02 Սեպտեմբեր 2013

Էրդողան. «Սիրիայի հարցին կամ ձեռքով կմիջամտենք, կամ լեզվով»

Թուրքիայի վարչապետ Ռեջեփ Թայիփ Էրդողանը հերթական անգամ անդրադարձել է Սիրիայի շուրջ ծավալվող իրադարձություններին:

«Մինչ այսօր Սիրիայում մոտ 100 հազար զոհվել է, իսկ 2 միլիոն սիրիացի ստիպված է եղել լքել հայրենի հողերը: Դամասկոսի որոշ թաղամասերում քիմիական զենքի կիրառումը ցավոք ողբերգության չափերը մեծացրեց: Դրա հետևանքով մոտ 1000 քաղաքացի սպանվեց, որոնց մեծ մասը երեխաներ էին: Այս արյունալի գործընթացի սկսվելուց ի վեր Թուրքիան միջազգային հանրության ուշադրությունըՍիրիայում մարդկային ողբերգության վրա սևեռելու համար մեծ ջանքեր է գործադրել»,-ասել է նա:

Սիրայում տիրող իրավիճակի կարգավորման հարցում Թուրքիայի դերի մասին խոսելիս Էրդողանը ասել է,- «Մենք կամ ձեռքով կմիջամտենք, կամ լեզվով: Այս հարցում ՄԱԿ-ի անտարբերությունը վարչակարգին ուժեղացրել է , խրախուսել է կոտորածները: Ամբողջ աշխարհը լռում է, Սիրիայի մարդակային դրամայի վրա աչք է փակում, ինչ ափսոս որ նույնը անում է նաև ՄԱԿ-ը: Նույնիսկ քիմիական զենքի կիրառումից հետո ՄԱԿ-ի անտարբերությունը մարդկային պատմության վրա սև հետք թողեց»:

Ermenihaber.am