Թուրքիան անհանգստացած է, որ Սիրիայի վրա հարձակումը ուշանում է

Քաղաքական10:08, 02 Սեպտեմբեր 2013

Թուրքիան անհանգստացած է, որ Սիրիայի վրա հարձակումը ուշանում է

Թուրքական «CNNTurk» լրատվական կայքը, հղում անելով իր դիվանագիտական աղբյուրներին, հայտնում է, որ ԱՄՆ նախագահ Բարաք Օբամայի այն հայտարարությունը, թե Սիրիայի դեմ ռազմական հարձակում գործելու համար նախ պետք է կոնգրեսից թույլտվություն ստանալ, անհանգստություն է առաջացրել Թուրքիայում: Դիվանագիտական աղբյուրները ասել են, որ չնայած այս հարցում նույնիսկ 1 րոպե չպետք հապաղել, սակայն իրենք հարգանքով ենք վերաբերվում այդ երկրի` որոշում կայացնելու գործընթացին:

Ըստ աղբյուրի` Թուրքիայի համար բովանդակության և դիրքորոշման տեսակետից ընդունելի է Օբամայի այն հայտարարությունը, որ Սիրիայում տիրող իրավիճակին պետք է միջամտել` չսպասելով ՄԱԿ-ի Անվտանգության խորհրդի որոշմանը:

Միայն թե ԱՄՆ նախագահի այն մոտեցումը, որ միջամտության նպատակը ոչ թե վարչակարգի փոփոխությունն է այլ հավանական քիմիական նոր հարձակումները կանխարգելելը» Անկարայում առաջացրել է ընկալում, որ Թուրքիան ու ԱՄՆ-ը «նպատակի հարցում» տարակարծիք են:

Ermenihaber.am