Բյուլենթ Արընչ. «Նախագահական ընտրություններում մեր թեկնածում Էրդողանն է»

Քաղաքական10:42, 03 Սեպտեմբեր 2013

Բյուլենթ Արընչ. «Նախագահական ընտրություններում մեր թեկնածում Էրդողանն է»

Թուրքիայի փոխվարչապետի Բյուլենթ Արընչը խոսել է գալիք ընտրություններում Թուրքիայի նախագահի պաշտոնի համար առաջադրվող հավանական թեկնածուների մասին:

Ըստ թուրքական «Վաթան» թերթի` Արընչը հայտնել է, որ եթե վարչապետ Էրդողանը ցանկանա ընտրվել նախագահի պաշտոնում, ապա իրենք կսատարեն նրան:

«Աբդուլլահ Գյուլն էլ իրավունք ունի 2-րդ անգամ նախագահ ընտրվել: Եթե մեր վարչապետը ցանկություն հայտնի առաջադրվել, ապա մենք կասենք, որ մեր ընկեր Թայիփ Էրդողանն է մեր թեկնածուն: Չեմ կարծում, որ վարչապետի ցանկության դեպքում, Աբդուլլահ Գյուլը այլ կերպ կմտածի»:

«Արդարություն և զարգացում կուսակցության» խոսնակ Հուսեյին Չելքը ևս հանդես էր եկել նմանատիպ հայտարարությամբ: Նա «Քրալ» ռադոկայանի եթերից հայտնել էր, որ չի կարծում, թե Էրդողանը խորհրդարանական ընտրություններում պատգամավորության համար թեկնածությունը առաջադրի, նշելով, որ վարչապետի համար ամենահարմարը նախագահի պաշտոնն է:

Ըստ Չելիքի` եթե Էրդողանը նախագահի ընտրություններում թեկնածությունը առաջադրի, ապա ներկայիս նախագահ Գյուլը այդ ուղղությամբ քայլ չի կատարի, քանի որ նրանց ընկերությունը խորը արմատներ ունի և բազմաթիվ անգամ է քննության ենթարկվել:

Ermenihaber.am