Այսօրվանից Թուրքիայում կգործեն ալկոհոլի օգտագործման սահմանափակումները

Տարածաշրջան11:53, 09 Սեպտեմբեր 2013

Այսօրվանից Թուրքիայում կգործեն ալկոհոլի օգտագործման սահմանափակումները

Այսօրվանից սկսած Թուրքիայում կգործի ոգելից խմիչքների օգտագործման սահմանափակումների մասին օրենքը, ըստ որի Թուրքիայում այսուհետև 22:00-ից հետո մինչև 06:00 ոգելից խմիչքի մանրածախ առուվաճառքն արգելվում է: Բացի այդ արգելվում է զբոսայգիներում, ափամերձ վայրերում, նստարաններին, փողոցներում զբոսանքի վայրերում ալկոհոլ պարունակող խմիչքների օգտագործումը:Չի լույլատրվում նաև խանութներում խմիչքը դնել ցուցափեղկերին մոտ` ժողովրդի աչքի առաջ:

Ըստ թուրքական «CNNTurk» լրատվականի` նոր որոշման համաձայն ոգելից խմիչք վաճառող վայրերը, դպրոցներից և կրթական այլ հաստատություններից պետք է լինեն նվազագույնը 100մ հեռավորության վրա: Իսկ 18 տարեկանից ցածր տարիք ունեցողներին առհասարակ խմիչք չի թույլատրվում վաճառել: Հեռուստատեսությամբ հեռարձակվող սերիալներում, ֆիլմերում, երաժշտական հոլովակներում արգելվում է ոգելից խմիչքի օգտագործումը խրախուսող դրվագներ ցուցադրել: Ծխախոտի նման , խմիչքների վրա էլ այսուհետև կփակցվի առողջությանը հասցվող վնասների մասին նախազգուշացնող պիտակ:

Ermenihaber.am