Սիրիան Թուրքիային մեղադրում է ահաբեկիչներին աջակցելու մեջ

Տարածաշրջան15:33, 10 Սեպտեմբեր 2013

Սիրիան Թուրքիային մեղադրում է ահաբեկիչներին աջակցելու մեջ

Սիրիայի արտգործնախարար Վելիդ Մուալիմը հայտարարել է, որ Ռուսաստանի կողմից իրենց արված առաջարկը, ըստ որի պետք է իրենց ունեցած քիմիական զենքը միջազգային հսկողության տակ դնեն, ընդունել են:

Մուալիմը Ռուսաստանի խորհրդարանի ստորին պալատի նախագահ Սերգեյ Նարիշկինի հետ հանդիպման ժամանակ հայտարարել է. «Ռուսաստանի Արտգործնախարար Սերգեյ Լավրովի հետ շատ արդյունավետ բանակցություններ ենք վարել: Նա մեզ քիմիական զենքերի հետ կապված առաջարկություն արեց: Մենք էլ արդեն երեկոյան ընդունեցինք այն»:

Սիրիայի արտաքին գործերի նախարարը քննադատական արտահայտություններ է հնչեցրել նաև Թուրքիայի հասցեին` մեղադրելով այդ պետությանը ահաբեկիչներին զինելու, պատրաստելու և Սիրիա ուղարկելու մեջ: Նա մասնավորապես ասել է. «Ուղարկված ահաբեկիչների մեջ Չեչնյաից և Հյուսիսային Կովկասից եկածներ էլ կան: Թուրքիան աջակցում է 83 երկրներից հավաքված ահաբեկիչների պատրաստմանը: Չնայած Թուրքիայի և Սիրիայի միջև եղած պատմական լավ հարաբերություններին` Թուրքիան գտնվում է հակառակ ճամբարում և թշնամական կեցվածք է որդեգրել»:

Ermenihaber.am