Թուրքիայի հետախուզության զեկույցը քուրդ գրոհայինների մասին

Տարածաշրջան11:39, 12 Սեպտեմբեր 2013

Թուրքիայի հետախուզության զեկույցը քուրդ գրոհայինների մասին

Թուրքիայի հետախուզությունը վարչապետ Ռեջեփ Թայիփ Էրդողանին ներկայացրել է «Քուրդիստանի բանվորական կուսակցության» (ՔԲԿ-PKK) զինյալների` Թուրքիայից հեռանալու գործընթացի մասին զեկույց:

Նախօրեին գումարված անվտանգության խորհրդի նիստի ժամանակ Էրդողանն իրազեկվել է այն մասին, որ մայիսից մինչև սեպտեմբեր ընկած ժամանակահատվածում քուրդ գրոհայինների 65 խումբ է հեռացել Թուրքիայից: Նշյալ խմբերը կազմված են եղել 14-16 հոգուց: Ընդհանուր առմամբ հեռացել է առավելագույնը շուրջ 1000 քուրդ գրոհային:

Ըստ թուրքական «Վաթան» պարբերականի` զեկույցում նշված է եղել, որ քուրդ զինյալները չեն հեռացել հետևյալ 6 նահանգներից` Թունջելի, Շըրնաք, Դիարբեքիր, Բինգյոլ և Մուշ` պահպանելով այնտեղ իրենց ռազմական ներկայությունը: Ավելին, համաձայն զեկույցի, քրդերը թեև զինված բախման մեջ չեն մտնում թուրք ուժայինների հետ, բայց շարունակում են փակել ճանապարհները, հսկողություն սահմանել դրանց վրա, մարդ առևանգել, գյուղերում դրամահավաքություն կազմակերպել և այլն:

Ermenihaber.am