Ցուցարարների ու ոստիկանների նոր բախումներ Թուրքիայում

Տարածաշրջան06:52, 12 Սեպտեմբեր 2013

Ցուցարարների ու ոստիկանների նոր բախումներ Թուրքիայում

Թուրքական «Սի Էն Էն թուրք» լրատվական կայքը տեղեկացնում է, որ Թուրքիայի մի շարք քաղաքներում բախումներ են տեղի ունեցել ոստիկանության և Ահմեթ Աթաքանի հիշատակը ոգեկոչողների միջև: Վերջինս սպանվել էր Թուրքիայի հարավ-արևելյան Հաթայ նահանգի Անթաքիա շրջանում կազմակերպված բողոքի ցույցի ժամանակ:

Բախումներ են տեղի ունեցել Անթաքիայում , Անկարայում, Իզմիրում, Մերսինում, Սամսունում:
Անթաքիայում ոստիկանությունը ցուցարարների չարտոնված քայլերթը կասեցրել է՝ արցունքաբեր գազ կիրառելով: Անթաքիայում կալանքի տակ են վերցվել նաև դեպքերը լուսաբանել ցանկացող լրագրողները:

Իզմիրում ոստիակնությունը ցուցարարների դեմ արցունքաբեր գազ է կիրառել, երբ վերջիններս փորձել են ցույցը «Արդարություն և զարգացում» կուսակցություն (ԱԶԿ-AKP) նահանգային գրասենյակի դիմաց անցկացնել: 1 հոգի կալանավորվել է:

Մերսինում տեղի ունեցած բախումներից հետո ձերբակալվել է 8 հոգի:

Հիշեցնենք, որ Հաթայի բողոքի ակցիան, որի ժամանակ սպանվել է 22-ամյա Ահմեթ Աթաքանը, նվիրված է եղել Գեզիի ցույցերի ժամանակ Աբդուլլահ Ջոմերթին սպանած ոստիկաններին բացահայտելու և պատասխանատվության ենթարկելու պահանջին:

Ermenihaber.am