ERMENI HABER AJANSI

Բրիտանական «Financial Times»–ը անդրադարձել է վերջին օրերս Թուրքիայում վերսկսված բողոքի ցույցերին:

Պարբերականը նշում է, որ չնայած ներկայիս ցույցերը ավելի փոքրամասշտաբ են քան Գեզիինը, սակայն դրանք տեղի են ունենում Ստամբուլից միչև Անկարա, դեպի սիրիական սահման:  Շեշտվում է նաև որ այս անգամ ևս ոստիկանությունը ցույցերը ցրելու համար կիրառել է արցունքաբեր գազ:

«Սա Գեզիի ցույցերի մեկ այլ ալիք է: Սա չնայած ավելի փոքրամասշտաբ է թույլ, սակայն նախորդի համեմատ ավելի քաղաքականացված է: Դա Թուրքիայում բևեռացման նախանշան է»,- պարբերականը մեջբերում է թուրք հոդվածագիր Մուրադ Յեթքինի խոսքերը :

Ըստ «Financial Times»–ի մեծ քաղաքներում տեղի ունեցաղ բախումները անհնար է անտեսել, մասնավորապես ցուցարար Ահմեթ Աթաքանի մահվանից հետո:

«Ցույցերի մեծամասնությունը ուղղված են վարչապետ Էրդողանի դեմ, ով հանդես  էր եկել հայտարարությամբ`ասելով. «Օրենքի սահմաններում ազատությունների հանդեպ անսահման հարգանք ունենք: Ոչ ոք իրավունք չունի խախտելու մեր երկրի խաղաղությունն ու բարեկեցությունը:»: Նա նաև ասաց, որ նույն ուժերն են կանգնած բոլոր ցույցերի հետևում և պնդեց, որ ինքը պատրաստ է մահանալ հանուն ժողովրդավարության:

Ըստ իշխանության կողմնակիցների` նախորդ ցույցերը ճնշելուց հետո  իշխող կուսակցությունը վերագտել է նախկին աջակցությոունը, որը անցում է 50%ը:

Էրդողանը պատրաստվում է է նոր ժողովրդավարացման փաթեթով բավարարել ալևի և քուրդ փոքրամասնություների պահանջները:

Սակայն նախկին ԱԶԿ-ական պատգամավորներից մեկը ասել է, որ իսլամիստ էրդողանի , ալևեներ քրդերի  և աշխարհիկների միջև հակասությունները խորանում են: Նա ասել է, « Եթե նույնիսկ իշող կուսակցությունը 60% քվե ստանա, այս երկրում խաղաղություն չի լինի: Մշակութային պատերազմը կշարունակվի: Խելամիտ միջինը արդեն կորսված է»-ասվում է «Financial Times»–ի հոդվածում:

Ermenihaber.am