Թուրքիայում իշխող կուսացկությունը «Երկրորդ լուռ հեղաշրջումն» է իրականացնելու

Քաղաքական10:24, 14 Սեպտեմբեր 2013

Թուրքիայում իշխող կուսացկությունը «Երկրորդ լուռ հեղաշրջումն» է իրականացնելու

Թուրքիայի իշխող «Արդարություն և զարգացում» կուսակցության (ԱԶԿ-AKP) կողմից նախագծված «Երկրորդ լուռ հեղաշրջում» անունը կրող «ժողովրդավարացման փաթեթի» աշխատանքները ավարտին են մոտենում:

Երեքշաբթի կայանալիք վերջին ժողովի ժամանակ կքննարկվեն, թե ներկայացված հարցերից որ առաջարկներն են ներառվելու փաթեթի մեջ: Ժողովին կմասնակացի նաև Թուրքիայի վարչապետ Ռեջեփ Թայիփ Էրդողանը:

Ըստ թուրքական «Սաբահ» թերթի տեղեկությունների՝ փաթեթը բաղկացած է 4 հիմնական գլուխներից, որոնք վերաբերում են քրդական, ալևիական հարցերի, ոչ մուսուլմանների նկատմամբ իրականացված անօրինականությունների և փետրվարի 28-ի հեղաշրջման հետևանքով տուժածների խնդիրների լուծմանը:
Ժողովրդավարացման փաթեթում առաջարկվում է մեծամասամբ քրդաբնակ Թունջելի նահանգի անունը փոխել՝ անվանելով Դերսիմ:

Փաթեթում քննության է առնվում նաև Մարդու իրավունքների եվրոպական դատարանում (ՄԻԵԴ) Թուրքիայի պարտությունների պատճառ դարձող օրենքները, դրանց կիրառումը և դրանք վերացնելու վերաբերյալ հարցերը:

Նշվում է, որ փաթեթում ոչ մահմեդականների համար որոշ անակնկալ քայլեր են նախատեսվում:
Իսկ ալևիների աղոթատեղիներին կարգավիճակ է տրվելու:

Ermenihaber.am