Թուրքիայի հայատյաց ուժերը հանդիպում են ունեցել

Քաղաքական11:26, 18 Սեպտեմբեր 2013

Թուրքիայի հայատյաց ուժերը հանդիպում են ունեցել

«Ազգայնական շարժում» (MHP-ԱՇԿ) կուսակցության գլխավոր քարտուղարի տեղակալ Աբբաս Բոզյելը այցելել է «Հայերի անհիմն պնդումների դեմ պայքարի» միություն (ASİMDER): Այցի շրջանակներում Աբբաս Բոզյելը հանդիպել է ASİMDER միության ղեկավար Գյոքսել Գյուլբեյի, ինչպես նաև ղեկավար խորհրդի այլ ներկայացուցիչների հետ: Գյուլբեյը իր գոհունակությունն է հայտնել՝ կապված Աբբաս Բոզյելի այցելության հետ և ապա հավելել, որ Թուրքիայում քաղաքականությամբ զբաղվող «Ազգայնական շարժում» (MHP-ԱՇԿ) նման կուսակցության բարձրաստիճան պաշտոնյայի այցելությունը իրենց համար մեծ պատիվ է: Գյուլբեյն անդրադարձել է նաև Հայոց ցեղասպանության հարցին, ապա նշել, որ աշխարհի մակարդակով իրենք ձգտում են «ցեղասպանության անիրավությունը ջրի երես դուրս բերել»:

Ըստ թուրքական «հաբերվան» լրատվական կայքի, Բոզյելը իր հերթին նշել է, որ իրենց կուսակցությունը հավանություն է տալիս ASİMDER-ի ծավալած գործունեությանը: Բոզյելը կարծիք է հայտնել, որ ցեղասպանության հարցում ASİMDER-ի կատարած աշխատանքը Թուրքիայի համար շատ կարևոր է: