Թուրքիայում արձանագրվել է նորաբաց կամզակերպությունների թվի աճ

Տնտեսական12:42, 20 Սեպտեմբեր 2013

Թուրքիայում արձանագրվել է նորաբաց կամզակերպությունների թվի աճ

«Թուրքիայի պալատների և բորսաների միության» (TOBB) տվյալներով` այդ երկրում նախորդ ամսին բացվել է 3.010 կազմակերպություն, միևնույն ժամանակ փակվել է 858-ը: Նոր հիմնված կազմակերպությունների թիվը 2012 թվականի նույն ժամանակահատվածի համեմատությամբ աճել է 28.69 տոկոսով, իսկ լուծարված կազմապերպությունների թիվը նվազել է 5.19 տոկոսով:

Վիճակագրական նշյալ տվյալները հրապարակել են թուրքական մամուլում:

Ընթացիկ տարվա 8 ամիսների ընթացքում հիմնված նոր կազմակերպությունների թիվը ևս նախորդ տարվա նույն ժամանակահատվածի համեմատությամբ աճ է արձանագրել: Այն կազմել է 21.63 տոկոս: Ութ ամսվա ընթացքում բացված 32.621 ընկերություններից 253-ը եղել են օտարերկրյա կապիտալի հետ համատեղ: Առաջին տեղում Սիրիան է (31), երկրորդում` Գերմանիան (22), երրորդում` Իրանը (19):

Նորաբաց կազմակերպությունների թվով առաջին եռյակը կազմում են Ստամբուլը, Անկարան և Իզմիրը: Իսկ 7 նահանգներում` Արդվինում, Բինգյոլում, Գյումուշհանեում, Թունջելիում, Բայբուրթում, Արդահանում և Քիլիսում ընդհանրապես ոչ մի նոր կազմակերպություն չի բացվել:

Ermenihaber.am