Ադրբեջանը և Թուրքիան նպատակ ունեն առևտրաշրջանառության ծավալը հասցնել 10 մլրդ դոլարի

Տարածաշրջան10:29, 23 Սեպտեմբեր 2013

Ադրբեջանը և Թուրքիան նպատակ ունեն առևտրաշրջանառության ծավալը հասցնել 10 մլրդ դոլարի

Թուրքիայի ու Ադրբեջանի միջև ներկայումս առևտրաշրջանառության ծավալն այժմ կազմում է շուրջ 5 մլրդ դոլար: Իսկ 5 տարի առաջ այդ ծավալը կազմում էր ընդամենը 500 մլն դոլար: Անկարայում Ադրբեջանի դեսպան Ֆաիկ Նուսրաթ Բաղիրովը նշել է, որ նպատակ ունեն մի քանի տարվա ընթացքում այց ցուցանիշը հասցնել 10 մլրդ դոլարի: Դեսպանն ուշադրություն է հրավիրել այն հանգամանքի վրա, որ օրեցօր Թուրքիայում կատարվող ադրբեջանական կապիտալ ներդրումներն աճում են: Նա վստահեցրել է, որ մինչև 2018 թվականը Թուրքիայում Ադրբեջանից կատարվելու է 21 մլրդ դոլարի ներդրում:

Թուրքական «Դունյա» լրատվականի թղթակցի հետ զրույցի ժամանակ Բաղիրովը նշել է, որ Ադրբեջանի գլխավոր խնդիրը շարունակում է մնալ Լեռնային Ղարաբաղի հարցը: Իսկ այն հարցին, թե հայ-թուրքական ֆուտբոլային դիվանագիտությունից հետո թուրք-ադրբեջանական հարաբերություններում ի հայտ եկած լարվածությունն անցե°լ է, Ադրբեջանի դեսպանը պատասխանել է.

- Ըստ իս` ձեր ասած լարվածությունը Թուրքիա-Ադրբեջան հարաբերությունների համար մի քննություն էր, որից, որպես մի ազգ երկու պետությունը, պատվով դուրս եկանք: Այսպես ասած` տարաձայնությունների սերմեր ամեն տեղ էլ կան, Թուրքիայում և Ադրբեջանում` նույնպես: Բայց պետք է թույլ չտանք, որ նման բան լինի: Տեսեք մենք հանգիստ նստել խոսում ենք, առանց թարգմանիչի օգնության: Աշխարհում նմանը չունեցող թուրք-ադրբեջանական հարաբերությունները պետք է ավելի ու ավելի զարգացնենք: Նոր սերունդներին հարկավոր է նույն ոգով դաստիարակել: Դրա վառ օրինակն այն է, որ հազարավոր ադրբեջանցի ուսանողներ Թուրքիայում, հազարավոր թուրք ուսանողներ էլ Ադրբեջանում են կրթություն ստանում:

Ermenihaber.am