Ադրբեջանում անգամ օձերի խայթոցների համար են մեղադրում հայերին

Տարածաշրջան14:28, 23 Սեպտեմբեր 2013

Ադրբեջանում անգամ օձերի խայթոցների համար են մեղադրում հայերին

«Հայ զինվորների կողմից սահմանամերձ անտառների հրդեհումներից փախչելով` տարածքի օձերնանցել են սահմանակից ադրբեջանական գյուղեր»: Այդ մասին հայտնում է թուրքական «Հաբերիմպորտ» լրատվական կայքը:

Ըստ վերոնշյալ կայքի՝ հայ զինվորների կողմից սահմանամերձ անտառները հրդեհելու հետևանքով Ադրբեջանական գյուղեր են անցել 1.5 մետրանոց թունավոր օձեր, որոնք լուրջ վտանգ են ներկայացնում գյուղացիների համար:

Կայքը վկայակոչելով Ադրբեջանական Մերզիլի գյուղի մի բնակիչի խոսքերը գրում է, թե իբր հայերի մեղքով սահմանն անցած օձերը դժվարացնում են գյուղացիների առօրյան, որոնք հաճախ ստիպված են լինում պաշտպանվել մահացու թունավոր օձերի խայթոցներից:

Թուրքական կայքն էլ իր հերթին ավելացնում է, թե իբրև զինադադարից հետո հայ զինվորների կողմից պարբերաբար իրականացվող սահմանային հատվածների հրկիզումների պատճառով մեծ վնաս է հասցվում ադրբեջանական ցանքատարածություններին և խախտվում էկոլոգիական հավասարակշռությունը:

Ermenihaber.am