Հանդիպել են Թուրքիայի երկու հակահայ ուժերը

Քաղաքական09:30, 25 Սեպտեմբեր 2013

Հանդիպել են Թուրքիայի երկու հակահայ ուժերը

Թուրքիայի ընդդիմադիր «Ազգայնական շարժում» կուսակցության (ԱՇԿ-MHP) գլխավոր քարտուղարի օգնական Աբբա Բոզյելը այցելել է «Հայերի անհիմն պնդումների դեմ պայքարի միություն» (ASIMDER) կոչվող կազմակերպություն և հանդիպել դրա նախագահ Գյոքսել Գյուլբեյի հետ: Հակահայկական ուղղվածության այս երկու քաղաքական ու հասարակական ուժերը միմյանց են ներկայացրել իրենց կատարած աշխատանքները: Գյուլբեյը մասնավորապես տեղեկացրել է, թե ինչպես են իրենք աշխարհի մասշտաբով պայքար մղում Հայոց ցեղասպանության միջազգային ճանաչման դեմ:

Ըստ թուրքական «Հաբերլեր» լրատվական կայքի` Բոզյելն էլ իր հերթին ողջունել է «ASIMDER»-ի գործունեությունը և նշել, թե վերջինս որքան կարևոր առաքելություն է կատարում Թուրքիայի համար` փորձելով կանխել վարկի ու հեղինակության սևացումը հայերի կողմից:

Հանդիպման ավարտին Գյոքսելը թուրք կուսակցականին նվիրել է Թուրքիայի, Ադրբեջանի և իրենց կազմակերպության գրասեղանի համար նախատեսված դրոշները և «Հայկական հարց»-ի վերաբերյալ զանզան գրքեր:

Ermenihaber.am