Աթաթուրքն ազգայնականացրեց երկաթուղին, մինչև այդ մեքենավարները հայեր և հույներ էին

Տնտեսական10:11, 30 Սեպտեմբեր 2013

Աթաթուրքն ազգայնականացրեց երկաթուղին, մինչև այդ մեքենավարները հայեր և հույներ էին

Թուրքիայի հանրապետական շրջանում մասնագիտացված պատմաբան Թուրքութ Օզաքմանը լրագրողին տված հարզացրույցում անդրադարձել է հանրապետության ստեղծման ժամանակներին: Նշենք, որ Թուրքիայում հանրապետական կարգեր հռչակվել են 1923թ. հոկտեմբերի 29-ին, Քեմալ Աթաթուրքն էլ եղել է առաջին նախագահը:

Ըստ «Հաբեր w» լրատվական կայքի` Օզաքմանը նշել է, որ հանրապետական կարգերի հաստատման գլխավոր իդեան եղել է երկիրն արդիականացնելը: Մասնավորապես երկաթգծերի շահագործման մասին պատմաբանն ասել է, որ հանրապետության հռչակումից հետո Թուրքիան այդ ոլորտում նշանակալի հաջողություների է հասել:

«Այդ ժամանակ Թուրքիայի սահմանների ներսում գործող երկաթգծերի երկարությունը 4.599 կմ էր: Այդ երկաթուղային գծերը շահագործում էին գերմանական, բրիտանական և ֆրանսիական ընկերությունները: Իսկ մեքենավարները կամ հույն էին, կամ հայեր: Երկաթուղու գործարկման աշխատանքային լեզուն ֆրանսերենն էր: Մի խոսքով երկաթուղու ոլորտը փակ էր թուրքերի առաջ»,- նշել է Օզաքմանը` հավելելով, որ փաստորեն Աթաթուրքն ազգայանականցրեց այդ ոլորտը: Գրեթե բոլոր ուղղություններով ընդլայնվեցին երկաթուղային ցանցերը, մինչև 1940 թվականը կառուցվեց 3.208 կմ երկաթգիծ:

Ermenihaber.am