Թուրք պատգամավոր. Ժողովրդավարացման փաթեթը հիմնված է ստի վրա՝ ճիշտ էրդողանի պես

Տարածաշրջան15:02, 30 Սեպտեմբեր 2013

Թուրք պատգամավոր. Ժողովրդավարացման փաթեթը հիմնված է ստի վրա՝ ճիշտ էրդողանի պես

Թուրքիայի վարչապետ Ռեջեփ Թայիփ Էրդեղանի կողմից ներկայացված ժողովրդավարացման փաթեթի վերաբերյալ ուշագրավ մեկնաբանություններ է արել Ժողովրդահանրապետական կուսակցությունից ընտրված պատգամավոր Քամեր Գենչը: «Միլլիյեթ»-ի փոխանցմամբ՝ Գենչը մանավորապես ասել է. «Ճիշտ Թայիփի նման փաթեթ է: Ստի վրա հիմնված փաթեթ է»:

Պատգամավորն անդրադարձել է նաև հասարակական վայրերում գլխաշոր կրելու ազատությանը՝ ասելով. «Պաշտոնական գրասենյակներում գլխաշոր կրելու թույլտվություն է տրվում: Սև գլխաշորին ազատություն է տրվում: Առանց այդ էլ Թայիփի նպատակը Թորքիան դեպի խավարը տանելն է: Այդ փաթեթը 11 տարի Թուրքիայում խավարի ռեժիմ հաստատելու համար ջանացող Թայիփ Էրդողանի առաջ քաշած փաթեթն է»:

Գենչը նշելով, որ չի ողջունում ժողովրդավարացման փաթեթը, ասել է. «Այնտեղ ազգը դեպի առաջընթաց տանող, գործազրկության կրճատմանը միտված, չեղած արդարություն վերականգնելուն միտված որևէ քայլ չկա: Ցանկանում են Թուրքիան ծածկել սև ծածկոցով:

Էրդողանն ուզում է մեր երկրի մի շարք հայկական և հունական գյուղերի անունները վերականգնել: Այս ճանապարհներին է դիմում Ռիզեում գտնվող իր գյուղի նախկին անունը (Potomya) վերականգնելու համար»:

Ermenihaber.am