Էրդողանն անլուրջ է համարել ընդդիմության քննադատությունը

Քաղաքական10:16, 01 Հոկտեմբեր 2013

Էրդողանն անլուրջ է համարել ընդդիմության քննադատությունը

Թուրքիայի վարչապետ Ռեջեփ Թայիփ Էրդողանը արտերկրյա կապալառուներին, տեխնիկական խորհրդատվական սեկտորին վերաբերող ժողովին և պարգևատրության արարողության ժամանակ հանդես է եկել ելույթով և անդրադարձել նախօրեին ներկայացրած ժողովրդավարական բարեփոխումների փաթեթին:

Ըստ թուրքական «Զաման» թերթի` վարչապետը հավաստիացրել է, որ նշյալ փաթեթը կյանքի կոչվելու դեպքում զգալիորեն կբարելավի երկրի տնտեսական կացությունը, կապահովի ներդրումների մեծ հոսք: Միևնույն ժամանակ անլուրջ է համարել փաթեթի առնչությամբ եղած ընդդիմության քննադատությունն ու բողոքը` նշելով, որ ընդդիմադիրները նույն բառապաշարով ու նույն փաստարկներով են անընդհատ դժգոհություն հայտնում:

«Մեր ընդդիմությունը պարտվում է հերիք չի, դեռ մի բան էլ խորհուրդներ չի վերցնում, որ տալիս են»,- նշել է Էրդողանը:

Վերջինս հիշեցրել է, որ թուրքերը կարողացան արտադրել ու ծովն իջեցնել տեղական առաջին ռազմանավը և խոստացել և շեշտել, որ ուժեղ տնտեսության համար իրենք կարիք ունեն ժողովրդավարության:

Ermenihaber.am