Էրդողան. «Որքան ստամբուլցին, նույնքան էլ տրապիզոնցին և վանեցին է այս երկրի տերը»

Քաղաքական12:00, 08 Հոկտեմբեր 2013

Էրդողան. «Որքան ստամբուլցին, նույնքան էլ տրապիզոնցին և վանեցին է այս երկրի տերը»

Թուրքիայի վարչապետ Ռեջեփ Թայիփ Էրդողանը ելույթ է ունեցել «Արդարություն և զարգացում» կուսակցության ժողովում: Ելույթի ժամանակ նա անդրադարձել նաև «ժողովրդավարացման փաթեթում» տեղ գտած կարևոր կետերից երկուսին՝

1. դպրոցներում «Ես թուրք եմ, ես իրավացի եմ» աշակերտական ամենօրյա երդման կարգի վերացմանը,

2. գլխաշոր կրելու արգելքի վերացմանը:

Վարչապետը քննադատել է նշյալ բարեփոխումների դեմ արտահայտվողներին:

«Այս հանրապետության հիմքերը դրվել են 1920 թվականի ապրիլի 23-ին, իսկ հիմնադրվել է 1923 թվականի հոկտեմբերի 29-ին: Որքան ստամբուլցին, նույնքան էլ էդիրնեցին, տրապիզոնցին, վանեցին, հաթայցին է այս հանրապետության տերը: Այս երկրում ուրիշները տիեզերքից չեն եկել: Քրդերեն, արաբերեն, լազերեն խոսողները հանրապետության ստեղծումից հետո չեն եկել: Նամազ անողները, գլխաշոր կրողները ուրիշ տեղերից չեն եկել այս երկիր»,- վարչապետի խոսքերը մեջբերում է թուրքական «Վաթան» օրաթերթը: