Թուրքիայի ԶՈւ գլխավոր շտաբը հայտնում է, որ քրդերը «ՔԲԿ»-ի թանգարան են ուզում բացել

Տարածաշրջան13:14, 08 Հոկտեմբեր 2013

Թուրքիայի ԶՈւ գլխավոր շտաբը հայտնում է, որ քրդերը «ՔԲԿ»-ի թանգարան են ուզում բացել

Թուրքիայի զինված ուժերի (ԶՈւ) գլխավոր շտաբի պաշտոնական կայքում հրապարակված տեղեկության համաձայն` քրդերը պատրաստվում են Մարդին նահանգի Սավուր շրջանի Թաշլըք և Յազըր գյուղերում, որտեղ 1992-ին թուրքերի կողմից սպանվել են 33 քուրդ զինյալներ, բացել «Քուրդիստանի բանվորական կուսակցության» (ՔԲԿ-PKK) թանգարան:

Նշենք, որ «ՔԲԿ»-ը պաշտոնական Անկարայի կողմից ճանաչված է որպես ահաբեկչական կազմակերպություն:

Թուքրիայի ԶՈւ գլխավոր շտաբի կայքում տեղ գտած հայտարարության մեջ մասնավորապես ասվում է. «Քաղաքական կուսակցության շրջանակում ահաբեկչական գործունեություն ծավալող կազմակերպության 50-60 հոգանոց խումբը Թաշլըք և Յազըր գյուղերում 1992-ին 33 ահաբեկիչների դեմ ռազմական գործողությունների արդյունքում ավերակի վերածված երկու տուն թանգարանի վերածելու նպատակով սկսել են դրանց վերանորոգման և շրջակայքի բարեկարգման աշխատանքները»:

Ermenihaber.am