Էրդողանը անդրադարձել է թուրք դպրոցականների երդումը գրած նախարարին

Տարածաշրջան14:31, 09 Հոկտեմբեր 2013

Էրդողանը անդրադարձել է թուրք դպրոցականների երդումը գրած նախարարին

Թուրքիայի վարչապետ Ռեջեփ Թայիփ Էրդողանը խմբակցության հավաքույթի ժամանակ անդրադարձ է կատարել դպրոցներում երեխաների «Երջանիկ է նա, ով թուրք է» տեքստով երդման հեղինակ, Թուրքիայի նախկին կրթության նախարար Ռեշիթ Գալիփին: Էրդողանը խոսել է նրա համառության մասին՝ շեշտելով, որ իր այդ հատկության պատճառով նա հակադրվում էր նույնիսկ Աթաթուրքի հետ: Էրդողանը ներկաներին հիշեցրել է մի պատմություն, ըստ որի երբ մի անգամ Դոլմաբահչեի պալատում տեղի ունեցած ընթրիքի ժամանակ դոկտոր Ռեշիթ Գալիփը քննադատել է ժամանակի կրթության նախարար Էսաթ Մեհմետին Աթաթուրքը վերջինիս ասել է. «Հոգնեցիք, լավ կլինի մի փոքր հանգստանաք, համեցեք հանգստացեք»: Գալիփը ի պատասխան ասել է. «Սա ոչ թե Ձեր, այլ ժողովրդի սեղանն է, և ես նույնպես նստելու իրավունք ունեմ»: Աթաթուրքին ոչինչ չի մնացել ասելու քան. «Այդ դեպքում մենք վեր կենանք»: Դրանից մի քանի ամիս անց Աթաթուրքը ռադիոյով լսելով Գալիփի ելույթը, նույն սեղանի շուրջ վերջինիս ականջին շշնջացել է. «Դու վաղվանից կրթության նախարարն ես»:

Թերթը նշում է, որ Գալիփը մի անգամ երեկոյան իր աղջիկներին ազգային տոնի մասին գիտելիքներ տալու համար երկար ելույթ է ունենում: Իսկ առավոտյան էքսպրոմտի արդյունքում հորինում է երդումը:

Ermenihaber.am