Թուրքիան առաջին անգամ փորձարկել սեփական արտադրության ՀՕՊ հրթիռները (տեսանյութ)

Տարածաշրջան10:02, 09 Հոկտեմբեր 2013

Թուրքիան առաջին անգամ փորձարկել սեփական արտադրության ՀՕՊ հրթիռները (տեսանյութ)

Թուրքիայում առաջին անգամ փորձարկվել են թուրք ինժեներների նախագծած տեղական արտադրության ցածր հեռահարության հակաօդային պաշտպանության (ՀՕՊ) հրթիռները (HİSAR+A): «Սաբահ» պարբերականի տեղեկացմամբ` փորձարկումն իրականացվել է Թուզ լճի ափին և ավարտվել հաջողությամբ:

Ռազմաարդյունաբերության տեղական այս նախագծում ներգրավված են եղել Թուրքիայի բազմաթիվ արդյունաբերական հաստատություններ: Մասնավորապես «ASELSAN»-ը զագացրել է ռադարների աշխատանքը, էլեկտրոնային հրահանգավորման և կրակ բացելու ֆունկցիաները, իսկ «ROKETSAN»-ի մասնագետները կատարելագործել են հրթիռային համակարգերը:

Նախատեսվում է, որ 2017 թվականին հակաօդային պաշտպանության այս հրթիռային համակարգերը կներմուծվեն Թուրքիայի զինված ուժերի հաշվեկշռի մեջ: «HİSAR+A» նախագծի մեկնարկը տրվել է 2011 թվականին, նպատակը Թուրքիայի ռազմաօդային ուժերի ՀՕՊ համակարգերի պահանջարկն ազգային ռեսուրսներով բավարարելն է: