Դավութօղլուի այցը Շվեյցարիա և հայ-թուրքական արձանագրությունները

Քաղաքական13:44, 10 Հոկտեմբեր 2013

Դավութօղլուի այցը Շվեյցարիա և հայ-թուրքական արձանագրությունները

Թուրքիայի արտաքին գործերի նախարար Ահմեթ Դավութօղլուն Շվեյցարիայի արտգործնախարարի հրավերով գտնվում է մայրաքաղաք Բեռնում:

Թուրքական մամուլը Դավութօղլի այցը Շվեյցարիա և երկու երկրների արտգործնախարարների հանդիպումը մեկնաբանել է որպես հայ-թուրքական արձանագրությունների ստորագրման քառամյա տարեդարձի իրադարձություն: Նշվում է, որ հայ-թուրքական հարաբերությունների կարգավորումը նախատեսող արձանագրությունների ստորագրման համար մեծ ջանքեր է ներդրել Շվեյցարիայի այդ ժամանակվա արտգործնախարար Միշել Քալմի-Ռեյը:

Դավութօղլուն Բեռնում իր պաշտոնակցի հետ քննարկելու է երկկողմ հարաբերություններին և տարածաշրջանային խնդիրներին առնչվող հարցեր: Այնուհետև Դավութօղլուն դեսպանատանը հանդիպում է ունենալու շվեյցարաբնակ թուրքերի հետ:

Հիշեցնենք, որ հայ-թուրքական արձանագրությունները ստորագրվել էին Հայաստանի և Թուրքիայի արտգործնախարարների կողմից 2009 թվականի հոկտեմբերին Ցյուրիխում։ Թուրքիայի խորհրդարանը չվավերացրեց արձանագրությունները: Իսկ 2010 թվականի ապրիլին Հայաստանի նախագահ Սերժ Սարգսյանը հայտարարեց, որ Հայաստանը առկախում է արձանագրությունների վավերացման գործընթացը, քանի որ թուրքական կողմը փորձում է նախապայմաններ առաջ քաշել։

Ermenihaber.am