Կարսի հայկական տաճարը ծայրաստիճան վատթար վիճակում է (լուսանկարներ)

Մշակութային09:54, 10 Հոկտեմբեր 2013

Կարսի հայկական տաճարը ծայրաստիճան վատթար վիճակում է (լուսանկարներ)

«Հուշարձանների համաշխարհային հիմնադրամը» (World Monuments Fund) վտանգված հուշարձանների ցուցակի մեջ այս տարի Թուրքիայից ներառել է Կարսի հայկական Մրեն տաճարը, որը կառուցվել է իշխան Դավիթ Սահառունու կողմից 639-640 թվականներին: Այն գմբեթավոր բազիլիկ տիպի հայկական եկեղեցի է` 20մ լայնությամբ և 30մ երկարությամբ:

Ուշագրավ է, որ թուրքական լրատվամիջոցները լուսաբանելով այս իրադարձությունը, խուսափում են նշել է եկեղեցու հայապատկան լինելու հանգամանքը:

Այն տարածքը, որտեղ գտնվում է տաճարը, այժմ ռազմականացված գոտի է և մուտքի համար պահանջվում է իշխանությունների թույլտվությունը:

Սկսյալ 1996 թվականից նշյալ հիմնադրամը 2 տարին մեկ դիտարկում է անցկացնում` պարզելու, թե մշակութային արժեք ունեցող հուշարձաններից որոնք են ինչ-ինչ պատճառներով հայտնվել վտանգի տակ:

Մրենի տաճարի հարավային ճակատամասը վերջերս փլուզվել է: Փորձագետների գնահատմամբ` եկեղեցին այժմ գտնվում է ծայրաստիճան վատթար վիճակում և ունի պահպանության հատուկ կարիք: