Օջալան. Խորը բանակցությունների համար սպասում եմ պետության դիրքորոշմանը

Տարածաշրջան12:44, 15 Հոկտեմբեր 2013

Օջալան. Խորը բանակցությունների համար սպասում եմ պետության դիրքորոշմանը

Քրդական Խաղաղություն և ժողովրդավարություն կուսակցություն (ԽԺԿ) պատվիրակությունը կրկին այցելել է Իմրալը կղզում ցմահ ազատազրկված Քրդական բանվորական կուսակցության (ԽԺԿ-PKK) առաջնորդ Աբդուլլահ Օջալանին:

Օջալանը ԽԺԿ-ի պատվիրակության հետ ուղարկած թուրք-քրդական հաշտեցման գործընթացի վերաբերյալ ուղերձում ասել է. «4 տարի է՝ մեծ ջանքեր եմ գործադրում: Վերջին տարում սկսված գործընթացի նշանակությունը մեծ է: Մեր կատարած աշխատանքները կարևոր են: Մեծ ջանքերի գնով կատարված այդ աշխատանքները հասարակությանը հանգստացրեց, ցնցումները դադարեցին: Սակայն դեռ շատ մեծ հարցեր կան մեր առաջ, որոնք սպասում են իրենց լուծմանը: Մեր սկսած գործընթացի իր թերություններով և առավելություններով բոլորեց մեկ տարին: Իմ առաջարկները բանավոր և գրավոր կերպով ներկայացրել եմ պետությանը: Նշանակալի խորը բանակցությունների համար սպասում եմ պետության դիրքորոշմանը: Անհրաժեշտ է առանց ժամանակ կորցնելու սկսել բանակցությունները, որոնք պետք է լինեն իմաստալից և արդյունավետ: Գործընթացի հետ կապված հույսս չկորցնելով՝ այդ հույսի չխորտակվելու համար ևս մեկ անգամ կրկնում եմ պատմական կոչս»:

Օջալանը շնորհավորանքներ է հղել նաև այս օրերին մուսուլմանական աշխարհում նշվող զոհաբերության տոնի առիթով, որտեղ շնորհավորանքների հետ մեկտեղ Դիարբեքիրում հրավիրել է Դեմոկրատական իսլամի կոնֆերանս, ինչին հատկապես կոչ է արել մասնակցել իր խոսքերով իսլամի հանդեպ դավաճանության մեջ գտնվող Ալ Քաիդա և Էլ Նուրսա խմբավորումներին:

Ermenihaber.am