Օջալանը կոչ է արել Դիարբեքիրում Ալ-Քաիդայի դեմ իսլամական համաժողով անցկացնել

Տարածաշրջան10:27, 16 Հոկտեմբեր 2013

Օջալանը կոչ է արել Դիարբեքիրում Ալ-Քաիդայի դեմ իսլամական համաժողով անցկացնել

Իմրալը կղզում ցմահ բանտարկության դատապարտված քրդերի առաջնորդ Աբդուլլահ Օջալանը Թուրքիայի միակ քրդական «Խաղաղություն և զարգացում» կուսակցության (ԽԺԿ- BDP) ներակայացուցիչների հետ հանդիպման ժամանակ կոչ էր արել Դիարբեքիրում անցկացնել ժողովրդավարական, իսլամական համաժողով` ընդդեմ Ալ Քաիդայի և Ալ Նուսրայի պես իսլամի դավաճանների:

Թուրքական «Թայմ թուրք» լրատվական կայքը հայտնում է, որ Օջալանի նման արձագանքի պատճառը տարածաշրջանում Հըզբոլլահի և ՔԲԿ-ի միջև առկա լարվածությունն է: «Քուրդիստանի բանվորական կուսակցության» (ՔԲԿ-PKK) սիրիական թևը Էլ Նուսրայի ուժերի հետ պատերազմական դրության մեջ է: Վերջին շրջանում հարավ-արևելյան շրջաններում Հըզբոլլահին կից միությունների և կազմակերպությունների դեմ քրդական համայնքների միությունը (ՔՀՄ-KCK) հարձակումներ է իրականացրել:

Նշվում է, որ Օջալանին անհանգստանցում է այն հանգամանքը, որ Հըզբոլլահի կողմից ստեղծված «Անկախ դատի» կուսակցությունը կարող է ընտրությունների ընթացքում ահեղ մրցակից դառնալ:

Այդ կուսակցության ներկայացուցիչ Սալիհ Գյոքը հայտնել է, որ որևէ կերպ Սիրիայի հյուսիսում պատերազմի մեջ չեն մտնի: «Մեր կուսակցությունը ոչ մի գործողություն չի անի, որը չի բխի մուսուլման քուրդ ժողովրդի շահերից»:

Ermenihaber.am