Օրհան Դյուզգյուն. «Թուրքիայի բանակը կորցրել է իր երբեմնի ուժը»

Տարածաշրջան11:19, 17 Հոկտեմբեր 2013

Օրհան Դյուզգյուն. «Թուրքիայի բանակը կորցրել է իր երբեմնի ուժը»

Թուրքիայի մայր ընդդիմության` «Ժողովրդահանրապետական կուսակցության» պատգամավոր Օրհան Դյուզգյունը հայտարարել է, որ Թուրքիան կորցրել է պատերազմ վարելու իր ներուժը: Նա կալանավայրում հանդիպում է ունեցել պետական հեղաշրջման «Բալյոզ»-ի գործով ձերբակալված բարձրաստիճան զինվորականների հետ և եզրահանգել, որ Թուրքիան արդեն կորցրել է ռազմածովայի ու ռազմաօդային իր երբեմնի հզորությունը: Այդ պատճառով է, որ անգամ հույների դեմ Անկարան այլևս չի կարողանում դիմակայություն ցույց տալ:

Ըստ Դյուզգյունի` Միջերկրական ծովի ավազանում բնական գազի հունական որոնումներին Թուրքիան վերջ չի դնում` պատճառաբանելով, թե դա պատերազմի վտանգ է պարունակում, մինչդեռ իրականում թուրքերը տեսնում են, որ պատերազմելու համար անհրաժշետ պոտենցիալ այլևս չունեն:

«Ինչպես գիտեք, Միջերկրականում հյուսիսային Կիպրոսի հունական հատվածը բնական գազ ու նավթ է արդյունահանում»,- նշում է պատգամավորը և հավելում, որ թուրքական զինուժի պոտենցիալը կորել է, քանի որ պատվախնդիր հրամանատարները կամ ձերբակալված են, կամ հրաժարական են տալիս:

Ermenihaber.am