Թուրքիայում ծնելիությունը նվազում է

Տարածաշրջան13:08, 18 Հոկտեմբեր 2013

Թուրքիայում ծնելիությունը նվազում է

Թուրքիայի ազգային վիճակագրության ծառայությունը հրապարակել է Թուրքիայում ժողովրդի «ինքնաերիտասարդացման» ինդեքսը, որը ցածր է եղել սահմանային 2.1 ինդեքսից՝ կազմելով 2.08: Նշվում է, որ այս տեմպերի դեպքում 2019 թվականին ծնելիության մակարդակը կնվազի՝ հասնելով 2.02-ի:

Թուրքական «Հյուրիյեթի» հաղորդմամբ՝ մասնագետների գնահատականներով ավանդաբար երիտասարդ բնակչությամբ Եվրոպական երկրներին գերազանցած Թուրքիայի ապագայի համար սպառնալիք է ստեղծվում: Թերթը ուշադրություն է հրավիրում այն հանգամանքին, որ պետք է անհապաղ մեխանիզմներ մշակվի թուրքիայում ժողովրդի ծերացումը կանխելու համար և այս ենթատեքստում շեշտում, որ Էրդողանի 3 երեխա կարգախոսը ռազմավարական նշանակություն է ձեռք բերում:

Այս առիթով թերթը ներկայացրել է, Հաջաթթեփեյի համալսարանի դոկտոր Ալի Էյրութի մեկնաբանությունները, ով ասել է, որ 60-70-ական թթ. նման խնդիր են ունեցել նաև Եվրոպական մի շարք երկրներ, որոնք սկսել են կիրառել խնելիությունը խթանող տարբեր քաղաքականություններ: Նա խորհուրդ է տվել, որ թուրքերը այս հարցում օրինակ վերցնեն Ֆրանսիայից ու Հարավային Եվրոպայի երկրներից:

Ermenihaber.am