Թուրք պաշտոնյան գոհ է Անի այցելող զբոսաշրջիկների հոսքից

Տարածաշրջան08:42, 21 Հոկտեմբեր 2013

Թուրք պաշտոնյան գոհ է Անի այցելող զբոսաշրջիկների հոսքից

Մահմեդական աշխարհում տոնվող կուրբան-բայրամի (զոհաբերության սրբազան տոն) օրերին նկատվել է տեղացի և արտասահմանցի զբոսաշրջիկների թվի նկատելի աճ այժմ Թուրքիայի տարածքում գտնվող պատմական Անիի ավերակներում:

Այս մասին հայտնող թուրքական «Սաբահ» պարբերականը, վկայակոչելով Կարսի նահանգի մշակույթի և զբոսաշրջության վարչության պետ Հաքան Դողանային, նշում է, որ եղանակային բարենպաստ պայմանները ևս նպաստել են զբոսաշրջության աշխուժացմանը Անիում այս օրերին: Տուրիստական գործակալություններն արձանագրել են զբոսաշրջիկների մեծ հոսք մասնավորապես Վրաստանից, Հայաստանից և Ադրբեջանից:

Զբոսաշրջիկների ուշադրութունն են գրավել այժմ մզկիթների վերածված հայկական ն եկեղեցիները, ինչպես նա ժամանակին ռուսների կողմից կառուցված շինությունները: Դողանայը նշել է, որ Անիում և ընդհանրապես Կարսում իրենք լավագույն ընդունելություն են ցուցաբերել զբոսաշրջիներին, նրանց շաքար են բաժանել, ինչպես որ ավանդաբար ընդունված է:

«Ինքնս էլ անձամբ շաքար եմ բաժանել զբոսաշրջիկներին»,- պատմել է թուրք պաշտոնյան:

Ermenihaber.am