Լիբանանում առևանգված թուրք օդաչուները ազատ են արձակվել

Տարածաշրջան11:17, 21 Հոկտեմբեր 2013

Լիբանանում առևանգված թուրք օդաչուները ազատ են արձակվել

Լիբանանում առևանգված թուրք օդաչուներ Մուրադ Աքփընարը և Մուրադ Աղջան 71-օրյա գերեվարումից հետո ազատ են արձակվել: Օդաչուների տեղափոխող ինքնաթիռը կեսգիշերին մոտ Աթաթուրքի անվան օդանավակայանում է վայրեջք կատարել: Թուրք օդաչուների օդանավակայանում դիմավորելու էր եկել Թուրքիայի վարչապետ Ռեջեփ Էրդողանը: Ինքնաթիռի վայրեջք կատարելուց հետո Էրդողանը օդաչուների ընտանիքի անդամների հետ միասին մտել է ինքնաթիռ, իսկ որոշ ժամանակ անց օդաչուների հետ միասին դուրս են եկել:

Թուրքական «Հյուրրիյեթ» օրաթերթը հայտնում է, որ Մուրադ Աքփընարը և Մուրադ Աղջան լրագրողների հետ ունեցած ճեպազրույցում հայտնել են, որ չնայած դժվարություններին, նրանք երբեք հույսները չեն կորցրել:
Հիշեցնենք որ, «Թուրքիայի ավիաուղիեր» ընկերության օդաչուներ Մուրադ Աղջան և Մուրադ Աքփընարը օգոստոսի 9-ին՝ առավոտյան ժամը 3-ի սահմանններում, օդանավակայանից հյուրանոց ուղևորվելու ճանապարհին, զինված անհայտ անձանց կողմից առևանգվել էին:

Ermenihaber.am