Թուրքիայում հիմնադրվել է նոր կուսակցություն` «Գեզի»

Քաղաքական13:34, 23 Հոկտեմբեր 2013

Թուրքիայում հիմնադրվել է նոր կուսակցություն` «Գեզի»

Թուրքիայում ատեղծվել է ընդդիմադիր և բնապահպանական հայացնքերով նոր կուսակցություն: Այն կոչվում է «Գեզի փարթիսի»:

Նշենք, որ Գեզին Ստամբուլի կենտրոնական Թաքսիմ հրապարակին հարող զբոսայգու անվանումն է: Հենց այդ զբոսայգում անունն էլ խորհրդանշական դարձավ այս տարի ամռանը Թուրքիայում բռնկված լայնամասշտաբ զանգվածային բողոքների համար և քաղաքացիական անհնազանդության ակտերի համար: Ամեն ինչ սկսեց Գեզիի բնապահպանական շարժումից, երբ ակտիվիստները փորձեցին կանխել ծառահատումը, որը ծրագրված էր քաղաքային իշխանությունների շինարարական նոր նախագծով:

«Գեզի» կուսակցության նախագահ է ընտրվել Ռեշիթ Ջեմ Քյոքսալը: Կուսակցության կենտրոնակայանը գտնվում է մայրաքաղաք Անկարայի ֆիդանլըք թաղամասում, որը թուրքերենում կրում է «տնկարան, տնկարանային» իմաստը: Այս զուգադիպությունը թե միտումնավորությունն արդեն հումորով քննարկվում է թուրք օգտատերերի կողմից սոցցանցերում:

Կուսակցությանն անդամակցած մարդկանց թվի մասին առայժմ ոչ մի տեղեկություն չկա: Լոգոտիպը արմատներ ձգած ծառի պատկերով մարդ է: Կուսակցության կանոնադրության համաձայն` «Գեզի»-ի նպատակն է ստեղծել քաղաքացիական արժանապատիվ հասարակություն, ժողովրդական սահմանադրություն, ժողովրդավարական ազատություն, օրենքի գերակայութուն և մարդու իրավունքների պաշտպանութուն ապահովող հասարակարգ:

Ermenihaber.am