Թուրքիայի 2023թ. տնտեսական նպատակները

Տնտեսական07:23, 24 Հոկտեմբեր 2013

Թուրքիայի 2023թ. տնտեսական նպատակները

Թուրքիայում կայացել է երկրի 500 ամենամեծ մասնավոր ընկերություններից լավագույնին պարգևատրելու «Կապիտալ 500» մրցանակաբաշխությունը: Արդեն 16 տարի է, ինչ պետական մակարդակով կազմակերպվում է նման արարողություն: Ներկաների թվում են եղել գործարար աշխարհի անվանի դեմքեր, ինչպես նաև Թուրքիայի էկոնոմիկայի նախարար Զաֆեր Չաղլայանը:

Վերջինս իր ելույթում նշել է, որ 2023 թվականին Թուրքիան նպատակադրվել է իր արտահանման ծավալները հասցնել 500 մլրդ դոլարի, ազգային եկամուտը` 2 տրլն դոլարի: Տարեկան 4.5-5 տոկոս տնտեսական աճի շարունակական պահպանման պայմաններում միանգամային հնարավոր է դառնում վերոնշյալ ցուցանիշներին հասնելը: Ըստ կանխատեսումների` այդ ժամանակ Թուրքիայի բնակչությունն արդեն կլինի 82 մլն:

«Կապիտալ 500»-ի այս տարվա «Թուրքիայի ամենամեծ ընկերություն» պարգևին արժանացել է «Turpas»-ը: Երկրորդ և երրորդ տեղերը զբաղեցրել են « OMV Petrol»-ը և Թուրքիայի ավիաուղիները «Türk Hava Yolları»:

Ermenihaber.am