Էրդողան. «Դիմում եմ իմ քուրդ եղբայրներին. հաշտեցման գործընթացը չի ավարտվել»

Տարածաշրջան10:49, 25 Հոկտեմբեր 2013

Էրդողան. «Դիմում եմ իմ քուրդ եղբայրներին. հաշտեցման գործընթացը չի ավարտվել»

Թուրքիայի վարչապետ Ռեջեփ Թայիփ Էրդողանը հայտարարել է, որ քրդերի հետ հաշտեցման գործընթացը դեռևս չի ավարտվել:

Նախօրեին Քուրդիստանի բանվորական կուսակցության (ՔԲԿ-PKK) անդամներից Ջեմիլ Բայըքը հայտարարել էր, որ Արդարություն և զարգացում կուսակցությունը (ԱԶԿ-AKP) քրդերի հետ հաշտեցման գործընթացը ավարտելու վերաբերյալ հաշվարկներ է անում: «ԱԶԿ-ն ավարտում է գործընթացը և դրա պատասխանը տալու է»,-ասել է Բայըքը:

Թեմայի վերաբերյալ հայտարարությամբ է հանդես եկել Էրդողանը ասելով, որ հաշտեցման գործընթացը չի ավարտվել:
«Արդեն մեկ տարի է երկրի արևելայն և հարավարևելյան շրջանները խաղաղությանը մթնոլորտում լինելով `լիահույս դեպի ապագա են նայում: Մայրերը այլևս չեն լալիս, տների վրա կրակ չեն բացում: Լեռները, որտեղ նույնիսկ թռչուն չէր թռնում, հիմա զբոսաշրջիկներ են ընդունում: Մենք ասել ենք, որ այդ շրջանների գարունը մնայուն կլինի: Ժողովուրդը այդ գարնան ու խաղաղության համը զգացել է: Մի տեղ, որտեղ զենքերի ձայնը լռել է, և այլևս ուժ չի գործադրվում, այդտեղ ամեն խնդիր իր լուծումը կստանա:

Դիմում եմ իմ քուրդ եղբայրներին. հաշտեցման գործընթացը չի ավարտվել, շարունակվում է: Եկեք այս խաղը դադարեցնենք: Ձեռք ձեռքի , ուս ուսի տված քայլենք»:

Ermenihaber.am