Ղազախստանի նախագահը հայտնել է, թե Թուրքիան ցանկանում է միանալ Մաքսային միությանը

Տարածաշրջան11:30, 25 Հոկտեմբեր 2013

Ղազախստանի նախագահը հայտնել է, թե Թուրքիան ցանկանում է միանալ Մաքսային միությանը

Թուրքական մամուլում տեղեկություն է շրջանառվում այն, որ Թուրքիան ցանկություն է հայտնել միանալ Մաքսային միությանը (ՄՄ): Բազմաթիվ լրատվամիջոցներն նշայլ թեմայով իրենց հրապարակումներում վկայակոչում են Ղազախստանի նախագահ Նուրսուլթան Նազարբաևին, որը Եվրասիական տնտեսական ընկերակցության` (ԵվրԱզԷՍ) Մինսկում կայացած գագաթաժողովի ժամանակ ներկաներին հայտնել է հետևյալը.

«Թուրքիայի վարչապետ Ռեջեփ Թայիփ Էրդողանն անձամբ ինձնից հետաքրքրվել է Թուրքիայի` ՄՄ-ին միանալու հնարավորության մասին: Թուրքիան մեծ պետություն է և մեզ հետ ընդհանուր սահմաններ ունի»:

Նշվում է նաև այն մասին, որ Նազարբաևը հորդորել է դրական վերաբերվել Թուրքիայի այդ ցանկությանը` ընդգծելով ներքոնշյալ հանգամանքը.

«Արևմուտքում հաճախ են հարցնում. «Ի°նչ է, դուք ցանկանում եք վերականգնել նախկին Խորհրդային միությո°ւնը»: Թուրքիային վերցնելով Մաքսային միություն` մենք ըստ էության վերջ կդնենք նման հարցադրումներին»:

Ermenihaber.am