Քաղաքական07:58, 28 Հոկտեմբեր 2013
Sabah. Թուրքիան չի կարող անդամակցել ՄՄ-ին, եթե Հայաստանն էլ է անդամակցելու
Երեք տարի առաջ Ռուսաստանի, Ղազախստանի և Բելառուսի կողմից հիմնադրված, 600
մլրդ դոլարի առևտրաշրջանառություն ունեցող Մաքսային միությանը (ՄՄ) Թուրքիայի
հնարավոր անդամակցության մասին քննարկումներին է անդրադարձել թուրքական «Սաբահ»
պարբերականը:
Օրերս Եվրասիական տնտեսական բարձրագույն խորհրդի նեղ կազմով ընթացած նիստի ժամանակ Ղազախստանի նախագահ Նուրսուլթան Նազարբաևն ասել էր, որ Թուրքիան ցանկություն ունի միանալ ՄՄ-ին և որ այդ մասին անձամբ վարչապետ Էրդողանն է հայտնել:
Ավելի ուշ Թուրքիայի կառավարության աղբյուրներ հայտնեցին, որ Ղազախստանի հետ տարվող բանակցություններում եղել է նաև Թուրքիայի` ՄՄ-ին անդամակցելու հարցը: Էրդողանը նշել է, որ Թուրքիայի համար կարևոր նշանակություն կարող է ունենալ անդամակցությունը ՄՄ-ին:
«Մյուս կողմից, սակայն, Թուրքիայի անդամակցության դեպքում օրակարգ է գալիս Հայաստանի հետ կապված ճգնաժամային հարցը: Թուրքիայի կառավարության ներկայացուցիչները շեշտել են, որ Թուրքիան չի կարող անդամակցել ՄՄ-ին, եթե Հայաստանն էլ է անդամակցելու»,- տեղեկացնում է «Սաբահ»-ը:
Նշվում է, որ Ղազախստանի հետ բանակցություններում ընդամենը մի քանի անգամ քննարկվել է Թուրքիայի անդամակցության հարցը: Թուրքիայի արտգործնախարարության աղբյուրներին հղում տալով` պարբերականը հայտնում է, որ Թուրքիայի անդամակցության կապակցությամբ պաշտոնական ոչ մի դիմում կամ նախաձեռնություն առայժմ չի իրականացվել:
Ermenihaber.am
Այս ենթաբաժնի վերջին նորությունները
Սերդար Քորուջուն խոսել է հայ-թուրքական հարաբերություններում վերջին զարգացումներից։
Ըստ Դևլեթ Բահչելիի պետք է ձևավորվի «Թուրքիա–Ռուսաստան–Չինաստան դաշինք»։
Թուրքիայի նախագահ Ռեջեփ Թայիփ Էրդողանը զոհվածների հարազատների համար կազմակերպված միջոցառման ժամանակ անդրադարձել է Թուրքիայի տարածաշրջանային դերին:
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |