Նորվեգիայի թագավորը մեկնելու է Թուրքիա` զարգացնելու երկկողմ հարաբերությունները

Տարածաշրջան12:13, 28 Հոկտեմբեր 2013

Նորվեգիայի թագավորը մեկնելու է Թուրքիա` զարգացնելու երկկողմ հարաբերությունները

Թուրքիայի նախագահ Աբդուլլահ Գյուլի հրավերով նոյեմբերի 5-7-ը Անկարայում է գտնվելու Նորվեգիայի թագավոր Հարալդ 5-րդը: Այդ մասին տեղեկացվել է Թուրքիայի նախագական նստավայրի մամուլի ծառայությունից: Նշյալ երկու երկրների միջև դիվանագիտական հարաբերություններ հաստատվել են 1926-ից, բայց մինչև օրս չի եղել այցելություն պետության առաջին դեմքի մակարդակով:

Հարալդի 5-րդի այցի շրջանակներում կայանալիք մի շարք պաշտոնական հանդիպումների ընթացքում նախատեսված է քննարկել երկկողմ հարաբերությունները զարգացնելու, ընդլայնելու և խորացնելու բազմաթիվ հարցեր, ինչպես քաղաքական, այնպես էլ տնտեսական հարթությունում: Ուղիներ են փնտրվելու երկուստեք առևտրաշրջանառության ծավալները մեծացնելու և փոխադարձ ներդրումային ծրագրեր կատարելու համար:

Նոյեմբերի 6-ին Նորվեգիայի թագավորն Անկարայում մասնակցելու է «թուրք-նորվեգական էներգետիկ համագործակցության» ֆորումի բացմանը: Թուրքիան կարևորում է Նորվեգիայի` էներգաարտադրող երկիր լինելու և այդ ասպարեզում լուրջ փորձ ու տեխնոլոգիա ունենալու հանգամանքը: Այնուհետև Հարալդ 5-րդը Ստամբուլում հանդիպում է ունենալու Թուրքիայի գործարար շրջանակների հետ:

Ermenihaber.am