Թուրք-Ճապոնական հարաբերությունների զարգացման նոր համաձայնագիր

Տնտեսական07:15, 30 Հոկտեմբեր 2013

Թուրք-Ճապոնական հարաբերությունների զարգացման նոր համաձայնագիր

Ստամբուլում գտնվող Ճապոնիայի վարչապետ Սինձո Աբեն լրագրողների համար դռնփակ հանդիպում է ունեցել Թուրքիայի կառավարության ղեկավար Ռեջեփ Թայիփ Էրդողանի հետ, այնուհետև վարչապետները հանդես են եկել համատեղ մամուլի ասուլիսով:

Ըստ թուրքական «Միլլիյեթ» պարբերականի` Էրդողանը լրատվամիջոցներին հայտնել է, որ ճապոնական կողմի հետ տարվել են համապատասխան բանակցություններ, ստորագրվել է էներգետիկ և գիտատեխնոլոգիական համագործակցություն ենթադրող համաձայնագիր: Նախատեսվում է ճապոնական առաջատար տեխնոլոգիաների ներմուծմամբ Թուրքիայի սևծովյան Սինոպ քաղաքում կառուցել ատոմային էներգիյաի կայան:

«Ինչպես գիտեք, ատոմակայանի կառուցման հարցում առաջին քայլը կատարել ենք Ռուսաստանի հետ: Երկրորդ քայլը հիմա Ճապոնիայի հետ ենք կատարում և մեր ցանկությունն է, որ հնարավորինս արագ իրագորվեն մեր պլանները»,- ասել է Թուրքիայի վարչապետը:

Հիշեցնենք, որ Թուրքիան իր առաջին ատոմակայանի կառուցման համար համաձայնագիր էր ստորագրել Ռուսաստանի հետ 2010 թվականի մայիսին: Այն ունենալու է 4 էներգաբլոկ և պահանջելու է 20 մլրդ դոլարի ներդրում: Թուրքական իշխանությունները նպատակադրվել են մինչև 2023 թվականը` հանրապետության հռչակման 100 ամյակը, կառուցել և շահագոևրծման հանձնել երկու ատոմակայան:

Ermenihaber.am