Թուրքիայի ընդդիմադիր և իշխող կուսակցությունների միջև «գլխաշորի» ճգնաժամը շարունակվում է

Քաղաքական13:42, 30 Հոկտեմբեր 2013

Թուրքիայի ընդդիմադիր և իշխող կուսակցությունների միջև «գլխաշորի» ճգնաժամը շարունակվում է

Թուրքիայում ընդդիմադիր «ժողովրդահանրապետական» (ԺՀԿ-CHP)
և իշխող «Արդարություն և զարգացում» (ԱԶԿ-AKP) կուսակցությունների միջև շարունակվում է կին պատգամավորների գլխաշոր կրել-չկրելու վերաբերյալ քննարկումները:

Բանն այն է, որ ընդդիմադիր կուսակցությունը ոչ մի կերպ չի համակերպվում վերջերս կատարված օրենսդրական փոփոխությանը, ըստ որի կին պատգամավորները կարող են գլխաշորով ներկայանալ մեջլիսի նիստերին:

Այսօր «Արդարություն ու զարգացում» կուսակցության փոխնախագահ ու խոսնակ Հուսեյն Չելիքը հայտարարել է, որ վաղվա նիստին 3 կին պատգամավոր գլխաշորով է գալու և ոչ ոք չի կարող խոչընդոտել դրան:

Հուսեյն Չելիքն ասել է, որ ինչպես որ մյուս պատգամավորները նիստերին առանց գլխաշորի ներկայանալու իրավունք ունեն, նույն կերպ էլ որոշները գլխաշոր կրելու իրավունք ունեն:

«Վաղվա նիստին մեր որոշ պատգամավորներ գլխաշորով են գալու: Այսօրվա Թուրքիան արդեն 1999 թվականի Թուրքիան չէ: Հիմա ոչ ոք գլխաշորավոր կնոջ գործունեությանը չի կարող խոչընդոտել: Ոչ ոքի ուժը չի բավականացնի անել այդ: Դրա հետ պետք է համակերպվեն նաև «ԺՀԿ»-ականները»,-ասել է Չելիքը:

Ermenihaber.am